Ауылшаруашылығы еңбеккерлері мен кәсіпкерлердің кәсіби мерекесі аталып өтті.
Аудан орталығында ауылшаруашылығы еңбеккерлері мен кәсіпкерлердің кәсіби мерекесі аталып өтті. Аудан көлемінде «Агроөнеркәсіп кешенін дамытуға қосқан үлесі үшін» және «Кәсіпкерлік саласын дамытуға қосқан үлесі үшін» белсенді шаруа қожалықтарының жетекшілері мен кәсіпкерлерге аудан әкімі Ж.Б.Байсабыров алғыс хаттар мен естелік сыйлықтарды табыстады. Кәсіби мереке «Қаламқас» халық ән-би ансамблінің концерттік бағдарламасына ұласты.

«Абай елі – руханият меккесі» атты «Қаламқас» халық ән-би ансамблінің өнер кеші Семей қаласында өтті.

Елбасымыз Н.Назарбаевтың «Болашаққа бағдар: Рухани жаңғыру» бағдарламасының жалғасы ретінде Қазақстан Республикасының Тұңғыш Президенті Нұрсұлтан Назарбаевтың «Егемен Қазақстан» газетіне «Ұлы даланың жеті қыры» атты мақаласына орай халқымыздың ғасырлардан тамыр тартып келе жатқан өнерін кеңінен дәріптеп, жаңғыртып, ұлы даланың ұлы әуендерін насихаттау мақсатында Абай ауданы мен Семей қаласының өңірлік мәдени байланысын арттыруға және Ш. Құдайбердіұлының туғанына 160 жыл және Абай ауданының 90 жылдығына орай «Абай елі – руханият меккесі» атты «Қаламқас» халық ән-би ансамблінің өнер кеші Семей қаласында өтті.
Семей қаласының әкімі Е.Сәлімов Абай ауданы әкімі Ж. Байсабыровқа алғысын айтып ізгі тілегін білдірді, ал қаламқастық өнерпаздаға шығармашылық табыс тілеп құттықтады.
Абай ауданының әкімі Ж.Байсабыров өз кезегінде Семей қаласының халқына ризашылығын білдіріп, қала әкіміне құрмет көрсетті.
Сонымен қатар еліміздің мақтанышы, жақында еліміздің абыройын асқақтатып, халқымызды қуанышқа бөлеген, әлем барысы атанған жерлесіміз Айбек Нұғымаров арнайы шақырылды. Көшбасшымыз Нұрсұлтан Әбішұлына арнап «Елбасы» атты туындыны дүниеге әкелген күйші, жерлесіміз Қазақстан Республикасы «Мәдениет саласының үздігі» өнер жұлдызы Айбек Бекбосынов өз күй шашуын орындады.

Айбек Нұғымаров екі дүркін «Әлем барысы» атанды.
Алматыда аяқталған жаһандық доданың шешуші белдесуінде жерлесіміз тағы бір қазақстандық балуан Ерсұлтан Мұзафаровты жеңді.
Аталмыш жекпе-жек төрт минутқа созылғанын айта кету керек. Алғашқы минутта Айбек ескерту алып, Ерсұлтанның еншісіне бір ұпай жазылды. Көп ұзамай Мұзафаров нәтижелі әдіс жасап, ұпайын еселей түсті. Дәл осыдан кейін боз кілемдегі қимылдарын ширатқан Айбек есепті теңестіріп қана қоймай, алға шығып кетті. Ал төртінші минут басталған тұста Нұғымаров Мұзафаровқа қарсы әдіс қолданып, кездесуді өз пайдасына аяқтады.
Айта кетейік, қазақ күресінен Әлемнің төрт дүркін чемпионы деген атағы бар жерлесіміз биылғы жарыста барлығы бес белдесу өткізді. Алдымен камерундық Дидон Долассемді сенімді ұтқан Нұғымаров артынша литвалық Эрик Бизуновичті де еш қиындықсыз тізе бүктірді. Ширек финалда өзбек балуаны Мухсин Хисомиддиновтан басым түскен жерлесіміз жартылай финалда дзюдодан соңғы Әлем чемпионатының жеңімпазы, гүржістандық Гурам Тушишвилидің жамбасын жерге тигізді. Естеріңізде болса, былтыр Астанада өткен «Әлем барысы-2017» додасының финалында да дәл осы екі балуан кездесіп, онда да Айбек Нұғымаровтың мерейі үстем болған-ды.
Ал биылғы жарыстың финалында тағы бір азулы қарсылас Ерсұлтан Мұзафаровты жеңген Нұғымаров осылайша екінші жыл қатарынан «Әлем барысы» атағына қол жеткізді. Осы ретте, Айбекке жарысты ұйымдастырушылар атынан 10 миллион теңгенің сертификаты қоса берілгенін де айта кеткен жөн.
Турнир қорытындыларына қысқаша тоқталсақ, «Әлем барысы-2018» жарысында екінші орынға түркістандық Ерсұлтан Мұзафаров ие болса, үздік үштікті ресейлік Роман Бобиков түйіндеді. Алматыдағы Балуан Шолақ атындағы спорт сарайында өткен байрақты бәсекеге әлемнің түкпір-түкпірінен келген 33 балуан қатысты. Додада еліміздің намысын бес спортшы қорғағанын айта кеткен абзал.

Құрметті жерлестер! Баршаңызды “Тұңғыш Президент күнімен” шын жүректен құттықтаймыз! Еліміздегі тарихи таңдау күні болып саналатын бұл сәтті барша қазақстандықтардың Тұңғыш Президент Нұрсұлтан Назарбаевтың төңірегіне топтасу күні деп есептейміз. Өйткені өзінің мемлекеттік рәміздері бар тәуелсіз еліміздің уығын қадап, шаңырағын көтеріп, іргесін бекіткен Тұңғыш Президентіміз Нұрсұлтан Назарбаевтың халық алдында еңбегі зор.
“Тұңғыш Президент күні” – бүкілхалықтық мереке, үлкен салтанат, Елбасының ерен еңбегіне деген құрмет. Осынау ел халқының бірлігі мен берекесін ұлықтап, мемлекеттің мерейін асыратын мереке күні Сіздерге зор денсаулық, отбасыларыңызға бақ пен береке, шаңырақтарыңызға шаттық тілейміз!

2018 жылдың 23 қараша күні Қазақстан Республикасының Тұңғыш Президент күні мерекесіне орай өңірлік мәдени байланысты дамыту, тәжірибе алмасу мақсатында Курчатов қаласында «Қаламқас» халық ән-би ансамблінің «Абай елі-руханият меккесі» атты концерті өтті.

Концерттік бағдарламада халық әндері, туған жерге, Отанға арналған патриоттық әндер шырқалды. Көрермендер ұлттық мәдениетімізді насихаттауға бағытталған әр нөмірді ыстық ықыласпен қабылдады.

Курчатов қаласының әкімі Алмас Аманқолұлы концертті ұйымдастырушыларға және «Қаламқас» халық ән-би ансамблінің шығармашылық ұжымына ризашылығын танытып, қала халқы атынан алғыс білдірді. Абай ауданының әкімі Ж.Байсабыровқа Алғыс хат тапсырып, құрмет көрсетті.

2018 жылғы 1 қарашадан бастап Қазақстанда мемлекеттік елтаңбаның жаңартылған нұсқасы енгізілді.

17 қыркүйек 2018 жылы мал ұрлығының алдын алу бойынша атқарылған іс-шаралар жөнінде ведомствоаралық комиссияның отырысы өтті

Күн тәртібінде төмендегідей мәселелер қаралды:

1. 2018 жылдың 9 айында мал ұрлығының алдын-алу бойынша атқарылған жұмыстары туралы.

Хабарламашы: Хозаев Нұрлан Советқалиұлы – аудандық ішкі істер бөлімінің бастығы.

2. 2018 жылдың 1 қыркүйегіне «Ауылшаруашылығы жануарларын бірдейлендіру» дерекқорымен жұмыстар жүргізу. Ауыл шаруашылығы жануарларын сырғалау мен таңбалауды ұйымдастыру туралы.

Хабарламашы: Айқымбаев Мәдениет Қадыржанұлы – ШЖҚ «Абай ауданының ветеринариялық қызметі» КМК директоры.

3. Ауылда мал ұрлығының көбеюі себептерін анықтау, оның алдын- алу шаралары. Мал бағуды ұйымдастыру туралы.

Хабарламашылар:

Құндызды ауылдық округінің әкімінің міндетін атқарушы Ысқақов Думан Мәнәпұлы.

Қеңгірбай би ауылдық округінің әкімі Амангелдіұлы Дархан.

4. Мал ұрлығының алдын алуға бағытталған профилактикалық іс-шаралар жөнінде.

Хабарламашы: Слямханов Сабыржан Қалқаманұлы – Абай ауданының прокуроры.

5. Мал ұрлығы өзекті мәселе.

Хабарламашы: Адильбеков Ербол Елибекович – Абай аудандық сотының төрағасы.

Отырыстың қорытындысы бойынша бірқатар ұсыныстар айтылып, тапсырмалар берілді.

Абай ауданының 90 жылдығына орай аудан орталығы Қарауыл ауылында жаңадан бой көтеретін ұлы Абай ескерткішіне қаржы жинау үшін, мәдениет және өнерді дамытуды қолдау жөніндегі «Парыз» қоғамдық қорына қаражат түсіру, жұмсалуын қадағалау мақсатында құрылған комиссияның төрағасы, аудандық мәслихаттың хатшысы Лдибаев Ерлан Арнаұлы 13 қыркүйек 2018 жылы комиссияның жұмысы туралы есеп берді. Қорға түскен ақша 23 037 877 теңге.

Сіздерді бүгінгі жарқын да қуанышты, мереке – Білім күнімен құттықтаймын! 1 қыркүйек барша халықтың, әсіресе балалардың көптен күтетін мерекесі!

Әрбір адамның өміріне ерекше әсер қалдыратын бұл күн еліміздің барлық тұрғындарының басын біріктіреді: мектеп табалдырығын аттауға асыққан бірінші сынып оқушылары, өзі армандаған мамандыққа қол жеткізген ЖОО – ға мақтанышпен келген мектеп қабырғасын жаңа ғана аяқтаған түлектер, осы күйді екінші рет бастан кешіп отырған ата – аналар.

Білім беру мекемелерінің педагогтары мен жетекшілері бүгін, яғни 1 қыркүйек күні білім қабырғаларын аттағалы тұрған оқушылар мен тәрбиеленушілерді қарсы алады, бұл күн тек атаулы мереке ғана емес, бұл біздің еліміздің болашағы тәуелді болған қызу қайнаған, жауапты кезең бастамасы. Дәл осы күннен бастап, алғашқы қоңырау үнімен бірге, әр адам өмірінің жеке тұлға және азамат ретінде қалыптасу кезеңі басталады.

Баршаңызды бүгінгі Білім күнімен және жаңа оқу жылының басталуымен шын жүректен құттықтаймын. Сіздерге бүгінгі ерекше, жайма шуақ күні жақсы көңіл күй, жаңа жетістіктер мен ашылуларға ұдайы ізденіс, шығармашылық табыс, мықты денсаулық және жаңа бастамаларда тек қана сәттілік тілеймін!

Қазақстан Республикасының Конституциясы күні — біздің еліміз үшін аса маңызды мерекелердің бірі болып саналады. Конституцияның өзекті ережелеріне сүйене отырып, біз ел тағдыры үшін өмірлік маңызы бар жаңаруларды жүргіздік: нарықтық экономиканы құрдық және демократиялық қоғамның негізін қаладық. Қазақстан дүниежүзілік аренаға танымал болды және әлемдік экономикалық жүйе ішінде лайықты орнын алды. Әлеуметтік сала — білім беру, денсаулық сақтау да күшті қарқынмен дамып келеді, жыл сайын зейнетақылар мен басқа да әлеуметтік жәрдемақылардың көлемі өсуде.

Қымбатты жерлестер! Конституция осы жылдар ішінде өзінің өміршеңдігін дәлелдеді. Алайда, осымен оның әлеуеті сарқылмайды. Еліміздің негізгі заңы бұрынғысынша егемен Қазақстанның гүлденуінің басты тетігі болып қала береді.

Конституцияны қатаң қолдану — мемлекетіміздің нәтижелі дамуының негізі, заманауи жаңа шақыруларға қайтарылған жауаптардың тиімділігі, қоғамдағы азаматтық келісім.

Қымбатты жерлестер, сіздерді Конституция күнімен шын жүректен құттықтаймын! Мықты денсаулық, құт-береке, жақсылық, бақыт тілеймін!